కరుణానిధి ఆరోగ్యంపై తాజావార్త

తమిళనాడు రాజధాని చెన్నైలోని కావేరి ఆసుపత్రిలో చికిత్స పొందుతోన్న డిఎంకే అధినేత కరుణానిధి డిశ్చార్జ్ అయ్యారు. డీహైడ్రేషన్, అలర్జీ సంబంధిత ఇబ్బందులతో ఆయన డిసెంబర్ ఒకటిన ఆసుపత్రిలో చేరారు. కరుణానిధి పూర్తిగా కోలుకున్నారని, అయితే ఆయనకు విశ్రాంతి అవసరమని ఆసుపత్రి వర్గాలు తెలిపాయి. కరుణ డిశ్చార్జ్ కావడంతో డిఎంకే శ్రేణుల్లో ఆనందం 

వెల్లివిరిసింది.

హైదరాబాద్ లో సినిమాల్లో ఛాన్స్ అంటూ...చిక్కిన మోసగాడు

సైబరాబాద్‌ పరిధిలో అమాయక యువతులను మోసం చేసి.. బెదిరించి వ్యభిచారంలోకి దింపి డబ్బు సంపాదిస్తున్న ముఠా నాయకుడిని గోపాలపురం పోలీసులు అరెస్టు చేశారు. నార్త్‌జోన్‌ కార్యాలయంలో గురువారం ఏర్పాటు చేసిన విలేకరుల సమావేశంలో డీసీపీ సుమతి వివరాలు వెల్లడించారు. బోరబండ వినాయక్‌నగర్‌కు చెందిన ఆటో డ్రైవర్‌ గంపుల శివకుమార్‌ అలియాస్‌ పంజాగుట్ట శివ కర్నూలు నివాసి. బతుకుదెరువు కోసం 2007లో నగరానికి వచ్చి స్థిరపడ్డాడు. పంజాగుట్టలో చిన్న చిన్న హోటళ్లలో పనిచేస్తూ జీవిస్తున్నాడు. పనిచేసే చోట వ్యభిచారం నిర్వహించే రాజు అనే వ్యక్తి అతడికి పరిచయం అయ్యాడు. హోటల్‌లో పనిచేయడం మానేసి రాజు వద్దే ఉంటున్నాడు. యువతులకు మాయ మాటలు చెప్పి వ్యభిచార కూపంలోకి దింపి లాడ్జీలకు పంపించడంతో వచ్చే కమీషన్‌ డబ్బు వసూలు చేసేందుకు శివకుమార్‌ మధ్యవర్తిగా ఉన్నాడు. డబ్బు సంపాదించాలన్న ఆశతో రాజును హత్య చేయాలని పథకం వేశాడు. నలుగురు స్నేహితులతో కలిసి కూకట్‌పల్లి హౌసింగ్‌బోర్డులో రాజును దారుణంగా హత్య చేశారు. కూకట్‌పల్లి పోలీసులు అరెస్టు చేసి రిమాండ్‌కు తరలించారు. జైలు నుంచి విడుదలైన తర్వాత కూడా అతడి ప్రవర్తనలో మార్పులేదు. సికింద్రాబాద్‌, హైదరాబాద్‌ పరిసర ప్రాంతాల్లో లాడ్జీలకు యువతులను పంపించి కమీషన్‌ వసూలు చేస్తున్నాడు. పంజగుట్ట, గోపాలపురం, కూకట్‌పల్లి పోలీస్‌స్టేషన్ల పరిధిలో అతడిపై గతంలో కేసులున్నాయని డీసీపీ తెలిపారు. నిందితుడి నుంచి సిమ్‌ కార్డులు, సెల్‌ఫోన్లు, రెండువేల రూపాయలు స్వాధీనం చేసుకున్నామని

చెప్పారు. 

ప్రజ్వల సంస్థ డైరెక్టర్‌ ఫిర్యాదుతో...

ఆంధ్రప్రదేశ్‌, తెలంగాణ రాష్ర్టాలలోని జిల్లాల నుంచి సినిమాల అవకాశం, ఉద్యోగాల కోసం నగరానికి వచ్చే యువతులను శివకుమార్‌ టార్గెట్‌ చేసి వ్యభిచారంలోకి దింపుతున్నాడని ప్రజ్వల సంస్థ డైరెక్టర్‌ సునీతా కృష్ణన్‌ గోపాలపురం పోలీసులకు ఫిర్యాదు చేశారు. 'నా బంగారుతల్లి' చిత్రానికి నిర్మాతగా ఉన్న సునీతా కృష్ణన్‌‌కు నేషనల్ అవార్డ్ తీసుకున్న విషయం తెలిసిందే. మహంకాళి ఏసీపీ గంగాధర్‌, బేగంపేట మహిళా పోలీస్‌స్టేషన్‌ సీఐ జానకమ్మ, గోపాలపురం సీఐ రాంచంద్రారెడ్డి ఆధ్వర్యంలో ప్రత్యేక టీం ఏర్పాటు చేశారు. బోరబండలోని ఇంట్లో శివకుమార్‌ ఉన్నాడని వారికి బుధవారం సమాచారం అందగా.. అక్కడికెళ్లి అతడిని పట్టుకున్నారు. ఓ హత్య సహా ఎనిమిది కేసుల్లో నిందితుడని.. పీడీ యాక్ట్‌ నమోదు చేస్తామని డీసీపీ చెప్పారు. అతడి అనుచరులు అడ్డగుట్టకు చెందిన జగదీష్‌, ఉప్పల్‌ చిలుకానగర్‌కు చెందిన జాదవ్‌ రాహుల్‌, ఎం. కృష్ణవేణి, పద్మ, మోండా మార్కెట్‌ గ్యాస్‌మండికి చెందిన గాలపల్లి శివానంద్‌ను కొద్దిరోజుల క్రితమే అరెస్టు చేసి జైలుకు తరలించామని పేర్కొన్నారు. వీరందరికీ శివకుమార్‌ బాస్‌ అని తెలిపారు.


లాడ్జీలపై కేసులు
వ్యభిచారం నిర్వహిస్తున్న సికింద్రాబాద్‌లోని లాడ్జీలపై కేసులు నమోదు చేస్తామని డీసీపీ హెచ్చరించారు. శివకుమార్‌ రెండేళ్ల నుంచి యువతులను లాడ్జీలకు పంపించేవాడని దర్యాప్తులో తేలిందన్నారు.

పెద్ద నోట్ల మార్పిడి క్లోజ్ ....

బ్యాంకుల్లో పెద్ద నోట్ల మార్పిడిని కేంద్ర ప్రభుత్వం నిలిపివేసింది. అయితే కేవలం తమ ఖాతాల్లో వేసుకోవడానికి అనుమతిచ్చింది. ఈ నెల 8న ప్రధాని మోదీ పెద్ద నోట్ల రద్దుపై ప్రకటన చేస్తూ నోట్ల మార్పిడికి కొన్ని షరతులతో గడువిచ్చారు. అయితే నోట్ల మార్పిడికి సంబంధించి అనేక అక్రమాలు జరుగుతున్నాయని ఆరోపణలు వస్తుండటంతో కేంద్రం ఈ నిర్ణయం తీసుకుంది. పలువురు బ్యాంకర్లు, ముఠాలు మాఫియాగా ఏర్పడి కమిషన్ ప్రాతిపదికన అక్రమంగా నోట్ల మార్పిడి చేస్తున్నట్లు పెద్ద ఎత్తున ఆరోపణలు రావడంతో కేంద్రం ఈ నిర్ణయం తీసుకున్నట్లు తెలుస్తోంది. ఎవరివద్ద అయినా పాత 500, వెయ్యి నోట్లు ఇంకా మిగిలిపోయి ఉంటే వారు తమ అకౌంట్లలో జమ చేసుకోవచ్చు. తర్వాత విత్ డ్రా చేసుకోవచ్చు.

ఏటీఎంలో కొత్త రూ. 500నోట్లు

కొత్త రూ. 500నోట్లు అందుబాటులోకి వచ్చాయి. RBI ఆదేశాల మేరకు వీటిని ఏటీఎంలో మాత్రమే పంపిణీ చేస్తుండడంతో డ్రా చేసేందుకు ఖాతాదారులు పెద్దఎత్తున క్యూలు కడుతున్నారు. కొత్తనోట్లు అందుబాటులోకి రావడంతో కొంతమేర చిల్లర కష్టాలు తీరే అవకాశం ఉందని అధికారులు భావిస్తున్నారు.

జియో కస్టమర్లకు షాక్....

రిలయన్స్ జియో ఫ్రీ కాదనే వార్త ప్రస్తుతం సోషల్ మీడియాలో వైరల్ అవుతోంది. కోల్‌కతాకు చెందిన అయునుద్దీన్ అనే వ్యక్తికి రిలయన్స్ జియో పేరుతో బిల్ వచ్చిందట. 550GB వాడుకున్నందుకు రూ.27వేలు కట్టాలని తెలియజేస్తూ ఆ బిల్లు ఉందని ఫొటోను సోషల్ మీడియాలో అప్‌లోడ్ చేశాడు. జియో పేరుతో ఉన్న ఈ బిల్లు ఫొటోపై కష్టమర్లలో ఆందోళన మొదలుకాగా.. ఇది నిజమైన బిల్ కాదని సంస్థ స్పష్టం చేసింది.

డబ్బు డిపాజిట్ చేస్తున్న వాళ్ళకి.... ఐటీవార్నింగ్

పెద్ద నోట్ల రద్దు తర్వాత బ్యాంక్‌ల్లో జరిగే డిపాజిట్లపై ఐటీ శాఖ నిఘా పెంచింది. దీనిలో భాగంగా రూ. 2.5 లక్షలకుపైబడి అకౌంట్లలో డిపాజిట్‌ చేసినవారి వివరాలు పంపాలని బ్యాంకర్లకు లేఖలు పంపించింది. ఐటీ శాఖ ఆదేశంతో బ్యాంకర్లు డిపాజిట్లను పరిశీలిస్తున్నారు. ఇప్పటి నుంచి ప్రతివారం వివరాలు పంపాలని కూడా బ్యాంకర్లను ఐటీశాఖ ఆదేశించింది. నోట్లమార్పిడి, డిపాజిట్ల సేకరణతో బీజీబిజీగా ఉండడం వల్ల ఇప్పటికిప్పుడు వివరాలు ఇవ్వలేమని బ్యాంకర్లు తేల్చిచెప్పారు. ఐటీ శాక పంపించిన లేఖలు నిన్న సాయంత్రానికే బ్యాంకర్లకు చేరాయి.

భారత, చైనా సంబంధాల్లో పాకిస్థాన్‌ పాత్ర ఏమిటి

అభివృద్ధి, సంస్కరణలు వంటి అంశాల్లో దూసుకుపోతోంది. అగ్రరాజ్యంగా, అణ్వస్త్రదేశంగా ఎదగడానికి భారత్‌కు ఎంతో కాలం పట్టకపోవచ్చు. అయితే, ఇది ఒకటి రెండు పొరుగు దేశాలకు నచ్చని విషయం. ప్రభుత్వం అభివృద్ధి పథంలో ప్రయాణించడం కాక, ఇంటా బయటా సమస్యలతో సతమతం కావాలన్నది పొరుగున ఉన్న శత్రు దేశాల ఉద్దేశం. భారతదేశం ఎప్పుడూ ముప్పులు, ప్రమాదాల్లో మనుగడ సాగించాలి తప్ప, అభివృద్ధి మీద దృష్టి కేంద్రీకరించకూడదు. భారతదేశానికి ఎటువంటి ప్రాధాన్యం, ఎటువంటి ప్రాముఖ్యం ఉండకూడదు. ఇదీ పాకిస్థాన్ వంటి కొన్ని శత్రుదేశాల ఆలోచన. దేశంలో ఆశావహ పరిస్థితి ఏర్పడినప్పుడల్లా భారతీయులను భయాందోళనల్లో ముంచెత్తే కార్యకలాపాలు సరిహద్దుకు అవతలివైపు నుంచి ఊపందుకుంటాయి. ముఖ్యంగా పాకిస్థాన్ ఇదే వ్యూహాన్ని చాలా కాలంగా అనుసరిస్తోంది. దీన్ని దృష్టిలో పెట్టుకునే ఇటీవల సర్జికల్‌ దాడులు జరిగాయి. సర్జికల్‌ దాడులకు ముందు, ఆ తరువాత భారతీయులు స్పందించిన తీరు వారికి పాకిస్థాన్ పట్ల ఉన్న ద్వేష భావానికి అద్దం పట్టింది.

చైనా మాదిరిగా కాకుండా పాకిస్థాన్ మొదటి నుంచీ భారత్‌కు ప్రత్యక్ష శత్రువే. వాఘా సరిహద్దుల దగ్గర దాదాపు ప్రతి రోజూ భారత్, పాకిస్థాన్‌ల మధ్య ఉద్రిక్త పరిస్థితి నెలకొనే ఉంటుంది. భారతదేశం అభివృద్ధి చెందుతున్న కొద్దీ ఈ రెండు దేశాల మధ్య శత్రుత్వాలు పెరుగుతూనే ఉన్నాయి. నిజానికి భారతదేశం సునాయాసంగా పాకిస్థాన్‌ను పరాజయం పాలు చేయగలదని ప్రతి భారతీయుడికీ గట్టి నమ్మకం. అయితే చైనా విషయంలో అటువంటి నమ్మకం ఎవరికీ లేదు. 1962లో చైనా ఒకసారి భారత్‌ను పరాజయం పాలు చేసింది. ఉగ్రవాదం మినహా దాదాపు పాకిస్థాన్‌కు సమానంగా భారత్‌కు సమస్యలు తెచ్చి పెడుతున్న చైనాను కాకుండా పాకిస్థాన్‌ను మాత్రమే పాలకులు, ప్రజలు బద్ధ శత్రువుగా భావించడం విచిత్రమే. వాస్తవానికి, చైనా మద్దతు కారణంగానే పాకిస్థాన్‌ ఓ ఉగ్రవాద దేశంగా కొనసాగగలుగుతోంది.

నిజానికి, పాకిస్థాన్‌ విషయంలో కంటే, చైనా విషయంలోనే భారత్ అప్రమత్తంగా ఉండాల్సి ఉంది. ఇటీవలి కాలంలో భారత్-చైనాల సంబంధాలు మారుతున్న తీరును దృష్టిలో పెట్టుకుని ఆలోచిస్తే, భారతకు ప్రధాన శత్రువు చైనాయేనని కచ్చితంగా నిర్దారణ అవుతుంది. పాక్‌ ఆక్రమిత కశ్మీర్‌ ద్వారా, బంగ్లాదేశ ద్వారా భారతను చుట్టు ముట్టడానికి చైనా ప్రయత్నాలు సాగిస్తోంది. అరుణాచల్‌ ప్రదేశపై తరచూ ఆకస్మిక దాడులు కొనసాగిస్తుంటుంది. భారత అణు సరఫరాదార్ల గ్రూప్‌లో చేరకుండా మోకాలు అడ్డుతుంటుంది. ఉగ్రవాదం మినహా అనేక కొత్త ఎత్తుల ద్వారా భారత్‌ను వేధించడం చైనాకు పరిపాటి అయిపోయింది. చైనా ఎన్ని రకాలుగా వేధిస్తున్నా భారత నిస్సహాయంగా ఉండిపోవాల్సి వస్తోంది. చైనాను ఎదుర్కోవడం భారతకు అంత తేలికైన విషయం కాదు. చైనాను ఎదుర్కోవడానికి భారత్ తప్పనిసరిగా దౌత్యపరమైన మార్గాలనే ఎంచుకోవాల్సి ఉంటుంది.

ఆధిపత్య కాంక్ష ఎక్కువ

వాస్తవమేమిటంటే, సరిహద్దు సమస్యను పరిష్కరించుకోవడం ఎన్నటికీ జరగకపోవచ్చు. యథాతథ పరిస్థితితో శాంతిని కొనసాగించాలన్న ఉద్దేశం చైనాకు ఏ కోశానా లేదన్నది కాదనలేని సత్యం. పరిష్కారం విషయంలో ఈ దేశాలకు భిన్నాభిప్రాయాలున్నాయి. చైనాకు బలం, బలగం కాస్తంత ఎక్కువ. ఈ రెండు దేశాల మధ్యా యుద్ధమంటూ జరిగితే, 1962 నాటి కంటే ఇప్పుడు భారత్‌ కాస్తంత మెరుగైన స్థితిలో ఉంటే ఉండొచ్చు. అయితే, చైనాను నిరోధించడంలో దీర్ఘకాలిక వ్యూహమంటూ భారత్‌కు ఏమీ లేదు. అంటే, చైనాతో తలపడటమంటే, భారత్‌కు చైనా ఏం కోరుకుంటున్నదీ తెలియాలి. భారత్‌కు ఏం అవసరమో తెలియాలి. వచ్చే కొన్ని దశాబ్దాల కాలంలో భారత, చైనా అధికార సమీకరణాలు ఏ విధంగా ఉండబోతోన్నాయో కూడా అంచనా వేయాలి. అసలు చైనా ఇలా ఎందుకు చేస్తుందో కూడా ఓ మారు సింహావలోకనం చేయాలి.

చైనాకు ఇంకా అనేక కోరికలున్నాయి. ఆసియాలో తమ పెత్తనమే సాగాలని చైనా ఉద్దేశం, లక్ష్యం. ఆసియాలో తామే పెద్ద దిక్కుగా ఉండాలని, మిగిలిన దేశాలన్నీ తమకు అణగిమణగి ఉండాలని కూడా చైనా భావిస్తోంది. చైనా ఆధిపత్యాన్ని అంగీకరించే దేశాల మీద అది వరాల వర్షం కురిపిస్తోంది. దక్షిణ చైనా సముద్రం మీదే కాక, అక్కడి అన్ని సముద్ర మార్గాలూ తమ అధీనంలోనే ఉండాలని, చైనా తీరంలోని సముద్ర గర్భ వనరులన్నీ తమకే చెందాలని కూడా అది ఆశిస్తోంది. ఇటువంటి కోరికలు ఉంటే మిగిలిన ఆసియా దేశాలతో కూడా వివాదాలు తలెత్తవచ్చు. కానీ, మొత్తం ప్రపంచం తమకు శత్రువుగా మారినా, తమకు కావాల్సిందాన్ని చేజిక్కించుకోవడమే చైనా లక్ష్యం. తమకు కావాల్సింది సాధించుకోగలమనే నిశ్చితాభిప్రాయం ఆ దేశానికి ఉంది. అందుకనే అది జపాన్‌-వియత్నాం- భారత్‌లు ఒక్క తాటి మీదకు రాకుండా చేయగల ప్రయత్నమంతా చేస్తోంది.

ఇది ఆసియాలో ఆ దేశ రాజకీయ లక్ష్యం. కానీ, భారత ఉపఖండంలో మాత్రం అది మూడు లక్ష్యాల కోసం ప్రయత్నిస్తోంది. లడఖ్‌లో మరిన్ని ప్రాంతాలు దాని అధీనంలోకి రావాలి. పాక్‌ ఆక్రమిత కాశ్మీర్‌ గుండా వెళ్లి, హిందూమహా సముద్రంలో నౌకాయానం సాగించుకోవడానికి, త్వరగా టిబెట్‌కు చేరడానికి ఓ అవకాశం కోసం అది ఎదురు చూస్తోంది. అందుకనే అది సియాచిన్‌ నుంచి భారత్‌ తప్పుకోవాలని కోరుకుంటోంది. సియాచిన్‌ను రక్షణ దళాల నుంచి విముక్తం చేయాలని పాకిస్థాన్‌ ద్వారా ప్రయత్నాలు సాగిస్తోంది. టిబెట్‌ తరువాత అతి పెద్ద ఆరామాలు కలిగి ఉన్న తవాంగ్‌ను తమ అధీనంలోకి తెచ్చుకోవాలి. అలాగే అరుణాచల్‌ ప్రదేశ్‌ మొత్తాన్నీ తమ అఽధీనంలోకి తీసుకురావాలి. అంటే చైనా నిబంధనలకన్నిటికీ భారత్‌ ఒడంబడిక ఉండాలి. సరిహద్దు సమస్యను తమకు అనుగుణంగా పరిష్కరించుకోవడానికి చైనా చాలా కాలంగా ఒత్తిడి తెస్తోంది. భారత్‌ సరిహద్దులోని నేపాల్‌, శ్రీలంక, బంగ్లాదేశ్‌, మయన్మార్‌, మాల్దీవుల్లో అది భారీయెత్తున నిర్మాణాలు, ఆర్థికాభివృద్ధి కార్యక్రమాలు చేపట్టడానికి ఇదే కారణం.

పాకిస్థాన్ పాత్ర ఏమిటి?

భారత, చైనా సంబంధాల్లో పాకిస్థాన్‌ పాత్ర ఏమిటి? భారత ఉపఖండంలోని చిన్నా చితకా దేశాలను ‘ముత్యాల సరం’ పేరుతో తమ వైపుకు తిప్పుకుంటున్న చైనా పాకిస్థాన్‌ను కూడా తమ ఆయుధంగా ఉపయోగించుకుంటోంది. భారత్‌ నుంచి దేన్ని సాధించుకోవాలన్నా పాకిస్థాన్‌ను ప్రేరేపించడం చైనాకు మొదటి నుంచీ అలవాటు. దానివల్ల చైనా నుంచి పాకిస్థాన్‌ కొన్ని ప్రయోజనాలు పొందుతుంటుంది. అంతమాత్రాన పాకిస్థాన్‌ చైనాకు మిత్రదేశం కాదు. పాకిస్థాన్‌ అంటే చైనాకు ఏమాత్రం గౌరవం లేదు. పాకిస్థాన్‌తో ఎప్పటికైనా తమకు ప్రమాదమేనని చైనా అధినేతలు తరచూ చెబుతుంటారు. భారత్‌ను చెప్పు చేతల్లో ఉంచుకోవడానికి మాత్రమే ఆ దేశం పాకిస్థాన్‌ను ఉపయోగించుకుంటుంటుంది. భారత్‌ విషయంలో తమ లక్ష్యం నెరవేరాక, ఆ తరువాత పాకిస్థాన్‌ను లొంగదీసుకోవడం తేలిక. దాని స్థితిగతుల్ని తేలికగా మార్చేయొచ్చు. పాకిస్థాన్‌ కూడా కొన్ని ప్రయోజనాల కోసం చైనా మీద ఆధారపడి, అది చెప్పినట్టు ఆడుతోంది. పాకిస్థాన్‌ ఉగ్రవాదులకు నిలయం అని ప్రపంచ దే శాలకన్నిటికీ తెలుసు. అది ఏదో ఒక రోజున పాకిస్థాన్‌కు ముప్పు తెస్తుంది. ఆ ముప్పును తప్పించుకోవడానికి పాకిస్థాన్‌ చైనాను ఆశ్రయిస్తుంటుంది. ఇక్కడ సమస్యేమిటంటే, చైనా దేశానికి పాకిస్థాన్‌ ఇలా తొత్తుగా ఉన్నంత కాలం పాకిస్ధాన్‌ భారత్‌కు శత్రు దేశంగానే కొనసాగుతుంది.

చైనా ఎంత వేధించినా భారత్ తన అభివృద్ధి కార్యక్రమాల మీదే దృష్టి కేంద్రీకరించడం అవసరం. చైనాను భారత్ ఎదుర్కోవాలంటే చైనా స్థాయిలో అభివృద్ధి చెందడమే సరైన మార్గం. అరుణాచల్‌ ప్రదేశలోని తవాంగ్‌పై చైనా ఎన్నిసార్లు దాడులు చేసినా భారత్ తన దృష్టిని అభివృద్ధి నుంచి మళ్లించకూడదు. మాటలు తక్కువ చేతలు ఎక్కువ అన్నట్టుగా ఉండాలి. అగ్ర రాజ్యమనో, అణ్వస్త్ర దేశమనో ఊరికే గొప్పలు చెప్పడం వల్ల చైనా అహాన్ని రెచ్చగొట్టడం తప్ప ఉపయోగం ఉండదు. అగ్ర రాజ్యంగానో, అణ్వస్త్ర దేశంగానో భారత్ ఎదిగితే, ప్రపంచం భారత్ చెప్పకుండానే గుర్తిస్తుంది. భారత్‌కు మళ్లీ చైనాతో యుద్ధం వస్తుందా? రాకపోవచ్చు. భారత్‌ బలహీన దేశమని చైనా దృఢ నిశ్చయానికి వచ్చినప్పుడే ఆ దేశం భారత్‌పై దాడి చేస్తుంది. అధికారం, శక్తి ఉన్న దేశాన్ని మాత్రమే చైనా గౌరవిస్తుంది. భారత్‌ నిలకడగా తన ఆర్థిక, సైనిక సత్తాను పెంచుకుంటూ పోతేనే చైనా తన హద్దుల్లో తానుంటుంది.

భారతీయులు చైనాతో పాటు జపాన్, దక్షిణ కొరియా, జర్మనీ, అమెరికా వంటి దేశాలను చూసి నేర్చుకోవాల్సింది ఎంతైనా ఉంది. భారత ఉక్కు రంగంలో అంతర్జాతీయ స్థాయికి ఎదుగుతోందనే వాస్తవాన్ని చైనా గుర్తించింది. తన ఉక్కు ఎగుమతులు తగ్గే ప్రమాదం ఉందని అది తరచూ ఆందోళన చెందుతోంది. అంతేకాదు, స్మార్ట్‌ ఫోన్లు, ఆట వస్తువుల ఉత్పత్తిలో భారత్ కూడా చైనా స్థాయిలో ముందుకు దూసుకుపోతోంది. భారత్ తన వ్యూహాన్ని మరికాస్త పకడ్బందీగా ముందుకు తీసుకువెడితే, ఈ రంగాల్లో కూడా భారత్ అపార విజయం సాధించగల స్థాయిలో ఉంది. వివిధ దేశాలు తమమీద ఆధారపడి ఉండేందుకే చైనా అంతర్జాతీయ మార్కెట్లను తన గుప్పిట్లో బంధించే ప్రయత్నం చేస్తోంది. వివిధ రంగాల్లో చైనాతో సమానంగా భారతకూ సహజ వనరులు, వసతులు, సౌకర్యాలు అసంఖ్యాకంగా ఉన్నాయి. చైనాతో సరిహద్దుల్లో ఉన్న లడఖ్‌, అరుణాచల్‌ ప్రదేశలో జీవన ప్రమాణాలను మెరుగుపరచడానికి భారత కృషి చేయగలిగితే, చైనా దూకుడును కొంత వరకూ అరికట్టవచ్చు.

మంచి ఫీల్ వున్నా స్టోరీ (భార్యాభర్తల సంబంధం)

భర్త ఆ రోజు రాత్రి ఇంటికి వచ్చేసరికి, వాళ్ళ భార్య భోజనం వడ్డిస్తూ వుంది. భర్త ఆమె చేయి పట్టుకుని, నీతో ఒకటి చెప్పాలి అని అన్నాడు. ఆమె కూర్చుని నిశ్శబ్దంగా భోజనం చేస్తుంది. ఆమె కళ్ళలో బాధని భర్త గమనించాడు. అతను ఆమె తో ఒక విషయం గురించి మాట్లాడాలి అనుకుంటున్నాడు. కానీ ఆమె కి ఆ విషయం ఎలా చెప్పాలో అర్థం కావడం లేదు..ఎలాగయినా ఆమె కి ఆ విషయం చెప్పాలి.. చివరికి ఇలా చెప్పాడు...

భర్త - నాకు విడాకులు కావాలి అని  ప్రశాంతంగా తన తో అసలు విషయం చెప్పాడు.
.

భార్య - (ఆ మాటలకి  బదులుగా ఆమె ) ఎందుకు అని మాములుగా అడిగింది?
.

భర్త - ఆమె ప్రశ్నను పట్టించుకోకుండా సమాధానం ఏం ఇవ్వలేదు..
.

భార్య - (ఆమెకి కోపం వచ్చింది.) ఆమె ఒక వస్తువును దూరంగా విసిరేసి, మీరు ఒక మనిషేనా అని భర్త మీద గట్టిగా అరిచింది..
.

ఆ రాత్రి, వాళ్లిద్దరూ మాట్లాడుకోలేదు. ఆమె బాగా ఏడ్చింది. భర్త ఎందుకు విడాకులు అడుగుతున్నాడో అసలు ఏమి జరిగిందో తను తెలుసుకోవాలి అనుకుంది. భర్త ని గట్టిగా అడిగింది..భర్త ఆమెకి సమాధానం ఇలా చెప్పాడు.
.

భర్త - నేను జాను అనే అమ్మాయిని ప్రేమించాను. నాకు నీపైన ప్రేమ లేదు..
.

భార్య - ఆ మాటలు విన్న తాను చాలా బాధపడింది.. ఒక నిమిషం ఏం అవుతుందో తనకేం అర్థం కాలేదు..
.

భర్త - గిల్టీ ఫీలింగ్ తో నాకు నువ్వు విడాకులు ఇవ్వడానికి నువ్వు వొప్పుకునేందుకు , నువ్వు ఉండడానికి సొంత ఇల్లు , కారు అండ్ నా సంస్థ లో 30% వాటా ఇస్తా అని అగ్రిమెంట్ పేపర్లు తనకి ఇచ్చాడు..
.

భార్య - చాలా కోపం తో ఆ పేపర్లు ని చింపేసింది.. ప్రేమ ని ఎప్పటికి కొనలేరు అని గట్టిగా ఏడిచేసింది..
.

భర్త గా తన లైఫ్ లో ఒక తెలియని వ్యక్తి లా ఆమె జీవితంలో పది సంవత్సరాలు వున్నాడు. అతని భార్య సమయం వృధా చేసానని బాధ పడుతున్నాడు. అతను తన భార్య ని అర్థం చేస్కునే ప్రయత్నం ఎప్పుడు చెయ్యలేదు.కానీ అతను జాను ని మాత్రమే ప్రేమిస్తున్నాడు.. ఏడుస్తున్న తన భార్య ని చూస్తే అతనికి జాలి వేసింది. ఆ విడాకులు రావడానికి కొన్ని వారాలు పడుతుంది..
.

మరుసటి రోజు, అతను చాలా ఆలస్యంగా ఇంటికి వచ్చాడు. అతని భార్య టేబుల్ వద్ద ఏదో రాస్తు కనిపించింది. అతను భోజనం చేయలేదు కానీ అతనికి వెంటనే నిద్ర పట్టేసింది. ఏందుకుంటే ఆ రోజంతా అతని లవర్ జానూ తో కలిసి రోజంతా తిరగటం వల్ల, బాగా అలసిపోయి త్వరగా నిద్రపోయాడు. అతను నిద్ర లేచేసరికి తన భార్య అక్కడే టేబుల్ దగ్గర ఇంకా రాస్తూ కనిపించింది. అతను తన భార్య ని పట్టించుకోకుండా, పక్కకి తిరిగి మళ్ళీ నిద్రపోయాడు.
.

ఉదయం, ఆమె విడాకులకు సంబధించి కొన్ని షరతులు చెప్పింది. ఆమె అతని నుండి ఏమి కోరుకోవటంలేదు, కానీ విడాకులు ముందు ఒక నెల రోజుల పాటు అతను తన తో  వుండాలని చెప్పింది. ఆ నెలలో మనం సాధ్యమైనంత వరకు సాధారణమైన జీవితాన్ని గడపాలి అని అంది.
.

ఆమె కారణాలు చాలా సాధారణం గా  ఉన్నాయి. వాళ్ళ  కొడుకుకు ఒక నెల రోజుల్లో పరీక్షలు వున్నాయి. వాళ్ళ విడాకుల వల్ల తన చదువుకు ఇబ్బంది కలగకూడదని ఆమె అలా కోరుకుంటుంది. అందుకే తను, వాళ్ళ భర్త ని నెల రోజులు గడువు అడిగింది.
.

నాకు అంగీకరమే అని వాళ్ళ భర్త ఆమె తో చెప్పాడు. కానీ ఆమె అతన్ని మరొకటి అడిగింది. ఆమె అతనికి గుర్తు చేస్తూ ఇలా అడిగింది, మీరు మన పెళ్లి రోజున నన్ను మన పెళ్లి గదిలోకి ఏలా తీసుకువెళ్ళారు గుర్తుందా అని అడిగింది. ఆమె ఈ నెల రోజుల వ్యవధిలో ప్రతి రోజు ఉదయం  ఆమె ని ఎత్తుకుని  వాళ్ళ బెడ్ రూమ్ నుండి హల్ వరకు తీసుకువెళ్లాలని కోరింది. అప్పుడు అతడు ఆమె కి  మతిపోయిందా అని అనుకున్నాడు. వాళ్ళు కలిసివుండే చివరి రోజులలో, తాను అతన్ని అడిగిన చివరి కోరిక కదా అని తన భార్య చెప్పిన దానికి ఒప్పుకున్నాడు.
.

అతను ఆమెతో విడాకులు, అతని భార్య చెప్పిన షరతులు గురించి అతని లవర్ జానూ కి చెప్పాడు. ఆమె బిగ్గరగా నవ్వింది. ఆ నవ్వు కి అర్ధంలేనట్లుగా అతను భావించాడు. నీ భార్య, నీకు విడాకులు ఇవ్వటం ఇష్టం లేక ఇలా ఏవో నాటకాలాడుతుంది అని జాను  అతని తో అంది..
.

విడాకుల ఒప్పందం దగ్గర నుంచి అతనికి , అతని భార్యకు ఏలాంటి శారీరక సంబంధం లేదు.
.

మొదటి రోజున తాను తన  భార్యను ఎత్త్తుకున్నప్పుడు, అది వాళ్ళిద్దరి మధ్య  మోటుతనంగా అనిపించింది. "హేయ్..! నాన్న, అమ్మను ఎత్తుకున్నాడు అని వాళ్ళ అబ్బాయి సంతోషంతో అరుస్తూ చప్పట్లుకొట్టాడు". ఆ అబ్బాయి మాటలు అతనికి కు బాధను కలిగించాయి. అలా ఎత్తుకుని తీసుకువెళ్తున్నప్పుడు ఆమె కళ్ళు మూసుకొని నెమ్మదిగా తన తో ఇలా చెప్పింది. "మన విడాకుల గురించి నేను మన అబ్బాయికి చెప్పలేదు. అతనికి కొంత బాధ కలిగినా, నవ్వాడు.. అతను ఆఫీస్ కి వెళ్తున్నదని ఆమె తలుపు దగ్గరకి  వచ్చింది... ఆమె ఆఫీస్ బస్సు కోసం ఎదురుచూస్తుంది. తాను ఆఫీసుకు ఒక్కడే , ఒంటరిగా కారులో వెళ్ళిపోయాడు. .
.

రెండవ రోజు న  , వాళ్ళిద్దరికీ మరింత తేలికగా అనిపించింది..ఆమె తల తన గుండె ని తాకుతుంది..ఆమె దగ్గర సువాసన తనకి తెలుస్తుంది.. తాను కొంత కాలంగా తన భార్య ని గమనించలేదు అని అనుకున్నాడు. ఆమె వయసు పైబడుతుందని అతను గ్రహించాడు. ఆమె ముఖం మీద ముడుతలు కనిపిస్తున్నాయి, ఆమె జుట్టు ఎగురుతుంది. మన వివాహం మూల్యం చెల్లిస్తున్నాను అని అనుకుంటున్నారా అని భర్త ని భార్య  అడిగింది. అలా అడగగానే ఒక నిమిషం పాటు ఆలోచిస్తు తాను ఆశ్చర్యపోయాడు..
.

నాలుగో రోజు, తాను ఆమెను ఎత్తుకున్నప్పుడు వాళ్ళ ఇద్దరి మధ్య దగ్గరితనం, అన్యోన్యత అతనికి కనిపించింది. ఈ అంమ్మాయ్ తోనేనా నేను పది సంవత్సరాల జీవించిదని అతనికి అనిపించింది.
.

ఐదవ మరియు ఆరవ రోజున, వాళ్ళిద్దరి మధ్య సాన్నిహిత్యం పెరుగుతున్నందని తాను తెలుసుకున్నాడు. తాను ఈ విషయం గురించి జాను  కి చెప్పలేదు. ఇలా నెల రోజులు తన భార్యను తీసుకుని వెళ్ళటం సులభంగా మారిపోయింది. బహుశా రోజు ఇలా చేయటం వల్ల తనకు తానే బలంగా, దృఢంగా అనిపించాడు.
.

ఒక ఉదయం తాను ఏ డ్రెస్ వేసుకోవాలో వెతుకుతుంది. తాను కొన్ని డ్రెస్ లు ట్రై చేసింది కానీ ఒక్క  డ్రెస్ కూడా తనకి బాగోలేదు. వేసిన ప్రతి డ్రెస్ కూడా తనకి లూస్ గానే ఉంది.. అప్పుడు అతనికి అర్థం అయ్యింది తను చాలా సన్నగా అయ్యింది అని.. అందుకనే అతను తనని తేలికగా మోయగలిగాను అని.. ఆ విషయం అతనికి బలం గా తగిలింది.. ఆమె గుండెల్లో ఎంత బాధ అనుభవిస్తుందో అప్పుడు అతనికి అర్థం అయ్యింది.. అతనికి తెలియకుండానే అతని చేయి ఆమె తల ని తాకింది... ఆ సమయం లోనే వాళ్ళ అబ్బాయ్ వచ్చాడు..
.

ఆ సందర్భాన్ని చూసిన ఆ అబ్బాయి వాళ్ళ నాన్న తో ఇలా అన్నాడు.."నాన్న అమ్మని బయటికి తీసుకెళ్లే సమయం ఇప్పుడు వచ్చింది.." అని అన్నాడు.. ఇలా వాళ్ళ నాన్న వాళ్ళ అమ్మని అలా చూసుకోవడం ఆ అబ్బాయిజీవితంలో విలువైన, అపురూపమైన సంఘటన..
.

అతని భార్య, వాళ్ళ అబ్బాయిని ఆమె దగ్గరకు రమ్మని సైగ చేసింది, వాడు వాళ్ళ అమ్మ దగ్గరకి వచ్చాడు.. వాళ్ళ అమ్మ ఆ అబ్బాయ్ ని గట్టిగా హత్తుకుంది.వాళ్ళ నాన్న ముఖం పక్కకి  తిప్పుకున్నాడు ఎందుకంటే ఆ చివరి నిమిషంలో తన మనసు తాను మార్చుకుంటాడేమో అని భయపడ్డాడు.
.

రోజులానే అతను ఆమె ని ఎత్తుకుని బెడ్ రూం నుండి హల్ కి వెళ్తుండగా ఆమె తన చేతులను అతని మెడ చుట్టూ ప్రేమ గా, సహజం గా  వేసింది.. అతను ఆమె ని గట్టిగా పట్టుకున్నాడు అచ్ఛం వాళ్ళ పెళ్లి రోజులాగా, కానీ ఆమె చాలా తేలికగా వుండటం వలన అతనికి చాలా బాధ  గా అనిపించిది.
.

చివరి రోజున, అతను ఆమెను తన చేతులతో ఎత్తుకున్నప్పుడు అతను ఒక్కో అడుగు వేయటానికి తనకి చాలా భారంగా అనిపించింది. వాళ్ళ అబ్బాయి స్కూలుకి వెళ్ళిపోయాడు. అతను వాళ్ళ  భార్యను మరింత గట్టిగా పట్టుకుని తనతో ఇలా చెప్పాడు, "మన జీవితంలో సాన్నిహిత్యం, అన్యోన్యత లోపించాయి" అని చెప్పాడు..
.

తర్వాత అతను ఆఫీసుకు వెళ్ళిపోయాడు. కారు నుండి వేగం గా దిగి, డోర్ కూడా వేయకుండా ఆఫీస్ లోపలికి వెళ్ళాడు. అతనికి భయం వేసింది ఎందుకంటే ఆలస్యం అయ్యేకొద్దీ తన మైండ్ మళ్ళీ  చేంజ్ అయిపొతుందెమో అని.
.

అతను జాను వుండే క్యాబిన్ కి వెళ్ళాడు.. సారి చెప్పి , అతను తన భార్య నుండి విడాకులు తీసుకోవటం లేదని చెప్పాడు. ఆమె(జాను) అతని వైపు ఆశ్చర్యంగా చూసి, తన నుదిటిపై చేయి వేసింది. నువ్వు బాగానే వున్నావ్ కదా? అని అడిగింది. అతను తన  నుదిటి మీద వున్న ఆమె చేతిని తీసి, సారీ జాను  నేను నా భార్య నుండి విడాకులు తీసుకోవటం లేదు. మా వివాహా జీవితం నాకు  విసుగుగా అనిపించేది ఎందుకంటే నాకు,తనకి  ప్రేమ విలువ, గొప్పతనం  తెలియలేదు. మేము ఎప్పుడు ప్రేమ గా మాట్లాడనుకోలేదు అందుకే మాకు ఎలా కలిసి జీవించాలో అర్థం కాలేదు..ఎప్పుడయితే నేను తనని అలా ఎత్తుకుని తీసుకెళ్లడం మొదలుపెట్టానో అప్పుడే నాకు అర్థం అయ్యింది తను చనిపోయే దాకా నేను తనని అలానే చూసుకుంటానని అచ్ఛం మా పెళ్లిరోజు లానే....
.

జాను  హఠాత్తుగా లేచి, అతనిని ఒక చెంప దెబ్బ కొట్టింది. ఏడుస్తు తన ని బయటకి పంపి తలుపు వేసింది. ఇంక అతను ఇంటికి వెళ్తూ దారి లో పూల దుకాణం వద్ద, తన భార్య కోసం ప్లవర్ బొకే ఆర్డర్ ఇచ్చాడు.
.

కార్డ్ మీద ఏమి రాయాలి అని ఆ సేల్స్ గర్ల్ అతన్ని అడిగింది .
.

అప్పుడు అతను నవ్వుతూ "మరణం మనల్ని దూరం చేసేవరకు... నేను నిన్ను మోయాలి అని అనుకుంటున్నాను ." అని రాయమని చెప్పాడు..
.

ఆ సాయంత్రం అతను ఇంటికి త్వరగా వెళ్ళాడు. తన చేతిలో ఒక ఫ్లవర్ బొకే,  తన ముఖం మీద చిరునవ్వుతో అతను మెట్లు ఏక్కి పైకి వెళ్ళాడు .తన భార్యను మంచం మీద చూసాడు.
.
.
.
.
.
.
.
.
అప్పటికే ఆమె చనిపోయింది.
.

ఒక్కసారి అతని కి ఏం అర్థం కాలేదు.. తనకి తెలియకుండానే కన్నీళ్లు వచ్చేస్తున్నాయ్..
.

 తన భార్య కొన్ని నెలలగా క్యాన్సర్ తో పోరాడుతుంది. తాను జాను  తో బిజీగా వుండటం వల్ల ఈ విషయం తను  గమనించలేకపోయాడు. ఆమె చనిపోతుందని ముందుగానే ఆమెకి తెలుసు. ఆమె వాళ్ళ సంసార మరియు విడాకుల విషయాలు సంగతి వీలైనంతవరకు వాళ్ళ కొడుకుకు దూరంగా వుంచి, తనని సేవ్ చేసింది. కనీసం వాళ్ళ కొడుకు దృష్టిలో అతను ఒక ప్రేమించే భర్తగా వుండాలి అనుకుంది.
.

మీ జీవితాలలో జరిగే చిన్న విషయాలు నిజంగా మీ బంధానికి అర్ధం తెలుపుతాయి. భవనం, కారు, ఆస్తి, బ్యాంకు లో డబ్బు ఇవేమి బంధానికి సంబధించినవి కావు. ఇవి ఆనందం కోసం అనుకూలమైన వాతావరణాన్ని సృష్టించడానికి మాత్రమే కానీ నిజమైన ఆనందం ఇవ్వవు.
.

మీ జీవిత భాగస్వామితో వీలునైంతవరకు సమయం కేటాయిస్తూ, ఒకరికొకరు ఆనందం కలిగించేలా చిన్న పనులు చేస్తూ వుంటే ఇద్దరి మధ్య స్నేహం, సాన్నిహిత్యం పెరుగుతాయి. అప్పుడు నిజమైన, సంతోషకరమైన వివాహం బంధం నిలబడుతుంది.
.

మీరు ఈ మాటలు (కథ) మరొకరికి పంపకపోతే మీకు ఏమీ జరగకపోవచ్చు. కానీ మీరు ఈ కథని మరొకరికి పంపిస్తే, మీరు ఒక వివాహం బంధాన్ని కాపాడే అవకాశం ఉంది.
.

చాలా మంది కేవలం అపార్ధాల వల్ల విడిపోతున్నారు, ఇది చదివి కొంతమందైనా  తాము చేసే తప్పును తెలుసుకుని, తమ జీవితాన్ని ఆనందంగా గడుపుతారని కోరుకుంటున్నాను.
.

ఒకటి చెప్పనా మనం ఏం చేసినా , ఎంత ప్రేమ గా చూసుకున్న అని వాళ్ళు వున్నప్పుడే చూసుకోవాలి.. వాళ్ళు వెళ్ళిపోయాక మనం ప్రేమ చూసుకుందాం  అన్న వాళ్ళు మనతో వుండరు..
.

సో ఫ్రెండ్స్ భార్యాభర్తలు ఇద్దరు ఒకర్ని ఒకరు అర్దం చేసుకుని కలసి మేలసి కాపురం చేసినప్పుడే మన జీవితాలకు అర్దం పరమార్ధం....

నోట్ల రద్దుపై మీడియా చేస్తున్న రాద్ధాంతం

నోట్ల రద్దుపై మీడియా చేస్తున్న రాద్ధాంతం చూస్తుంటే  యెంతో బాధ కలుగుతుంది.

నోట్ల మార్పిడి కష్టాలు లేవని కాదు,
యెవరికైనా కష్టం వస్తే స్వాంతన పలుకవలసిన మీడియా నోట్ల మార్పిడి యెలా చేసుకోవాలో చెప్పాల్సిన భాద్యత ఉన్న మీడియా, రెండున్నర లక్షల వరకూ యెవరైనా బాంక్ లో జమ చేసుకోవచ్చు అలాగే పొలం అమ్మిన డబ్బులు బాంక్ లో వేసుకోవచ్చు. మహా అయితే కొంత టాక్స్ కట్టాలి అంతే అనే విషయం చెప్పకుండా పదే పదే కష్టాలు మాత్రమే చూపినందుకు ఆ మీడియా చూపించిన కష్టాలు నిజమేమో అని నమ్మి 52 లక్షలు ఉన్నా ఒక మహిళ ఆత్మ హత్య చేసుకొంది.

73 సంవత్సరాల  వ్రుద్ధుడు క్యూలో నిలబడలేక చనిపోయాడని చెప్పే మీడియా అక్కడ క్యూ లో ఉన్న వారు ఆ వ్రుద్దున్ని ముందుగా పంపే సంస్కారం మన ప్రజలకు లేకపోయింది అనే విషయం చెప్పి ఉంటే బాగుండేది.

జపాన్ లో సునామీ వస్తే వచ్చిన రోజు నుండీ ప్రతి వ్యాపారస్తులు డిస్కౌంట్లు ఇచ్చి ప్రజలకు సేవ చేసిన విషయం ప్రసారం చేసి ఉంటే కనీసం కొంత మంది అయినా ప్రభావితం అయ్యే వారు.

సునామీ నుండీ జపాన్ అన్నీ సర్దుకోవడానికి 10 రోజులు పట్టినా యెవరి వస్తువులు వారికే ఇచ్చారు అక్కడి ప్రజలు. అందుకే చిన్న దేశం అయినా ప్రపంచంలో అంతా గౌరవంగా బ్రతుకుతోంది అనే విషయం ప్రసారం చేసి ఉంటే బాగుండేది.

అమెరికాలో జంట టవర్లు కూలిపోయాయి.
ప్రతిపక్ష పార్టీ లు గాని ప్రజలు కాని ప్రభుత్వంపై విమర్శలు చేయలేదు.
మీడియా తప్పుడు వార్తలు రాయలేదు.
ప్రజలకు ధైర్యము కలిగించే వార్తలు మాత్రమే రాశారు. అందుకే అమెరికా ప్రపంచ పెద్దన్న అయింది.

మన దేశము లో మీడియా చేస్తున్న మేలు కన్నా కీడు యెక్కువగా ఉంది.

యెక్కువగా మీడియా ప్రసారాలు చూస్తే అసలు దేశములో జీవించే అవకాశం లేదేమో అనే అనుమానం మనకే కలుగుతుంది.

ఈ మీడియాకు  సరి అయిన దిశానిర్దేశం యెప్పుడు యే కోర్టు ఇస్తుందో అని భగవంతుని ప్రార్థిస్తున్నాను.

ఒక్క సారి మన వీర సైనికులు పడుతున్న కష్టాలు గుర్తు తెచ్చుకుంటే మూడు నాలుగు గంటల క్యూలో కరెన్సీ  మార్చుకునే కష్టం యెంత.

నల్ల ధనం తో టెర్రరిస్ట్లు పేట్రేగిపోతుంటే 70 సంవత్సరాలు ఈఁ దేశాన్ని అస్థిరపరిచే  నల్ల కుబేరుల భరతం పట్టే దమ్మున్న నాయకుడు మన ప్రధాన మంత్రి అని గర్వపడే ప్రతి పౌరులకు నమస్సులు.

మీడియా యెంతగా   ప్రయత్నించినా క కా పార్టీ లు యెన్ని తప్పుడు కూతలు కూసినా కొన్ని రోజులు చిన్న చిన్న కష్టాలు ఉన్నా ఇప్పటికైనా ఒక గొప్ప నాయకుడు మన దేశాన్ని మార్చే ప్రయత్నం చేస్తున్నాడు మేమూ సహకరిస్థాము   అని మీడియా మైకుకు చెప్పిన హీరోల్లారా జోహార్ జోహార్.

అసలు ఇంట్లో 100, 50, 10 నోట్లే లేనట్లు ప్రతి పేదవాడు కేవలము 500 లేదా 1000 నోట్లు మాత్రమే ఉన్నట్లుగా చూపిన ఓ మీడియా ఒక్క సారి ఆత్మ విమర్శ చేసుకో.

సారీ మీకు రేటింగ్స్  పెంచుకోవడం తప్ప మరేమీ అవసరం లేదనుకోండి.
దేశం యేమైనా మా చానల్ రేటింగ్ మాకు చాలు అనే కుటిల మీడియా కారణముగా మీడియా పై నమ్మకం పోగొట్టే అవకాశం ఉంది.

యెప్పుడూ నిరాశా నిస్పృహ వార్తలే కాకుండా మంచి వార్తలు ప్రసారం చేసి పుణ్యం తెచ్చుకోండి.

ప్రజలారా క్రుత్తిమ స్వార్థ వార్తా కథనాలు  చూడకుండా 30 నిమిషాల లో 100 వార్తలు మాత్రమే చూడండి, లేకపొతే మీరు కూడా యేమౌతారో అని నా భయం.

ఇవాళ చాలా మంది కి తెలియనిరోజు

ఇవాళ అంతర్జాతీయ పురుషుల దినోత్సవం. కానీ పేపర్లో వ్యాసం లేదు.. టీవీలో ప్రోగ్రాం లేదు’ అనే వాట్సాప్ సందేశం చాలామంది చదివుంటారు. కానీ ఆ రోజు పేపర్లో, టీవీలో ఈ ప్రస్తావన ఎందుకుండదంటే.. అది ఈ రోజు కాబట్టి. నవంబర్ 19న అంతర్జాతీయ పురుషుల దినోత్సవం. తమకూ హక్కులు, కష్టాలు ఉంటాయని చాటుతూ, లింగ వివక్ష తొలగించేందుకు ఉద్దేశించిన రోజు సందర్భంగా.. మగానుభావులందరికీ ‘అంతర్జాతీయ పురుషుల దినోత్సవ’ శుభాకాంక్షలు.

2000 నోట్ లు కాలం కూడా చెల్లినట్లేనా..

1000, 500 నోట్ల రద్దు కారణం వల్ల చలామణిలోకి వచ్చిన 2౦౦౦ నోట్లు కూడా ఎక్కువ కాలం ఉండవు అని సమాచారం. 2019 సాధారణ ఎన్నికలు సమయానికి 2౦౦౦ నోట్ల ను రద్దు చేస్తారంట

2వేల నోటుపై హై టెక్నాలజీ ని ఉపయోగించారా?

2వేల రూపాయ‌ల నోటులో నానో చిప్ పెట్టార‌నే వార్త‌లు గుప్పుమ‌న్నాయి. దీంతో, ఏది ఒరిజిన‌లో, ఏది కాదో ఈజీగా చెప్పేయొచ్చ‌ని, ప్ర‌తి నోటు ఎక్క‌డ స‌ర్క్యులేట్ అయినా ఈజీగా తెలుసుకోవ‌చ్చ‌నే ప్ర‌చారం జ‌రిగింది. ఇదంతా కొత్త 2వేల నోటు మార్కెట్‌లోకి రాక‌ముందు సంగ‌తి. అదంతా ఒట్టిదే అనే ఆర్‌బీఐ అధికారులు కూడా తేల్చిపారేశారు. దీంతో, ఆ వార్త‌కు బ్రేక్ ప‌డింది.తాజా ట్విస్ట్ ఏంటంటే.. నయా 2వేల రూపాయ‌ల నోటులో నానో చిప్ లాంటి ప‌క‌డ్బందీ ఫీచ‌ర్ లేక‌పోయినా.. ఇంటాగ్లియో అనే కొత్త ఫీచ‌ర్‌ని ఏర్పాటు చేశామ‌ని చెబుతున్నారు అధికారులు.

రెండు నోట్ల మధ్య తేడాని ఈజీగా ప‌ట్టేయ‌వ‌చ్చని చెబుతున్నారు.ఇంత‌కీ ఈ ఇంటాగ్లియో ఫీచ‌ర్ ఏంట‌నేగా మీ డౌట్‌. ఇందులో భాగంగా నోటులోకి ఒక‌రక‌మైన డిజైన్‌ను చొప్పిస్తారు. దీంతో, అస‌లు నోటు ఏదో న‌కిలీ ఏదో సింపుల్‌గా చెప్పేసేయొచ్చు. ఒక వ‌స్త్రాన్ని తీసుకొని నోటుపై రుద్దాలి. అలా రుద్దిన‌ప్పుడు ట‌ర్బో ఎల‌క్ట్రిక్ ఎఫెక్ట్‌తో షాక్ వ‌స్తుంది. నోటులో ఉన్న ఇంకు వ‌స్త్రంలోకి బ‌దిలీ కావ‌డం వ‌ల్ల ఇలా జ‌రుగుతుంది.

ఇది చిన్న షాక్‌లా ఉంటుంది. ఇలా షాక్ త‌గిలిదే అది ఒరిజిన‌ల్ అని, లేదంటే న‌కిలీ అని గుర్తు ప‌ట్ట‌వ‌చ్చని అధికారులు చెబుతున్నారు. ఇది హై సెక్యూరిటీ ఫీచ‌ర్ అట‌. దీనిని కాపీ కొట్ట‌డం అంత ఈజీ కాదంటున్నారు ఉన్న‌తాధికారులు. మీకు మీ కొత్త నోటుపై ఇలాంటి డౌట్స్ ఏమ‌యినా ఉంటే వెంట‌నే ఓ వ‌స్త్రం తీసుకొని రుద్దండి. షాక్ కొడితే.. అది ఒరిజిన‌ల్ లేదంటే.. నిజంగానే షాక్ కొడుతుంది. ఫేక్ అని. ఇలా రెండు ర‌కాల ట్విస్ట్‌ల‌లో మీకు ఏది దొరుకుతుందో చూడండి.

సంచలన ప్రకటన చేసిన కేంద్ర హోం శాఖ

కేంద్ర హోం శాఖ సంచలన ప్రకటన చేసింది. దేశంలో ఇప్పుడు కూడా 40 వేల కోట్ల రూపాయల నల్లధనం చెలామణిలో ఉందని కేంద్ర హోంశాఖ తెలిపింది. అయితే నోట్ల రద్దు వల్ల పాక్, బంగ్లాదేశ్ సరిహద్దుల గుండా దేశంలోకి వచ్చే 400 కోట్ల రూపాయల నకిలీ నోట్లకు అడ్డుకట్ట పడిందని వెల్లడించింది. 40 వేల కోట్ల రూపాయల్లో 800 కోట్ల రూపాయలు ఉగ్రవాదులకు అందుతున్నాయి. వేర్పాటువాదులకు, హింసాత్మక చర్యలకు 30 కోట్ల రూపాయలు వెచ్చిస్తున్నారని హోంశాఖ గుర్తించింది. నక్సలైట్లు తమ కార్యకలాపాలకు 350 కోట్ల రూపాయలు వినియోగిస్తున్నారని హోంశాఖ వర్గాలు తెలిపాయి. ఖలిస్తాన్‌కు కూడా కోట్ల రూపాయలు వెచ్చిస్తున్నారని హోం శాఖ ప్రగటించింది.

ఏ టైం లో అయిన నోట్ల మార్పిడి క్లోజ్

అతి త్వరలో నోట్ల మార్పిడి నిలిపివేసే అవకాశం ఉంది. ఈ నెల 24లేదా అంతకంటే ముందే నోట్ల మార్పిడిని నిలిపివేస్తారని తెలుస్తోంది. అయితే అకౌంట్లు కలిగి ఉన్నవారు మాత్రం తమ అకౌంట్లలో పాత నోట్లను జమ చేసుకోవచ్చు. ఆ తర్వాత చెక్ లేదా ఏటీఎం కార్డు ద్వారా డబ్బు డ్రా చేసుకోవచ్చు. లావాదేవీలు నిర్వహించుకోవచ్చు. ఈ నెల 24లోపే దీనిపై కేంద్ర ఆర్ధిక శాఖ నిర్ణయం తీసుకునే అవకాశం ఉంది. నగదు రహిత లావాదేవీలే లక్ష్యంగా కేంద్ర ప్రభుత్వం ఈ చర్యలకు ఉపక్రమిస్తున్నట్లు సమాచారం. హైదరాబాద్‌లో ఇప్పటికే కొన్ని బ్యాంకులు పాత నోట్లను వారివారి ఖాతాల్లోనే వేసుకోవాలని కస్టమర్లకు సూచిస్తున్నాయి. నోట్ల మార్పిడిని దాదాపుగా అడ్డుకుంటున్నాయి.

నోట్ ల రద్దు ఫై కెసిఆర్ సపోర్ట్

రాష్ట్ర ఆర్థిక వ్యవస్థను అతలాకుతలం చేస్తున్న పెద్ద నోట్ల రద్దు నిర్ణయంపై నిన్నటి వరకు తీవ్ర ఆగ్రహంతో ఉన్న ముఖ్యమంత్రి కేసీఆర్‌ గురువారం మెత్తబడ్డారు. దేశ ఆర్థిక వ్యవస్థ సమూల ప్రక్షాళన కోసం ఉపయోగపడితే ప్రధానినరేంద్ర మోదీ నిర్ణయానికి మద్దతిస్తానన్నారు. ఢిల్లీలో విపక్షమంతా ఏకతాటిపై నిలిచి ప్రభుత్వంపై యుద్ధం చేస్తుండగా ఆ ఆందోళనకు దూరంగా ఉండాలని కేసీఆర్‌ గురువారం ఉదయం తన పార్టీ ఎంపీలను ఆదేశించారు. కీలకమైన రాజ్యసభలో టీఆర్‌ఎ్‌సకు ముగ్గురు సభ్యులున్న నేపథ్యంలో ఇరు పార్టీల మధ్య సానుకూల వాతావరణం ఏర్పడింది. మధ్యాహ్నం కేసీఆర్‌-ప్రధాని నరేంద్ర మోదీ ఫోన్లో మాట్లాడుకున్నారు. ఈ సందర్భంగా కేసీఆర్‌ రాష్ట్రం ఎదుర్కొంటున్న ఆర్థిక సంక్షోభాన్ని వివరించారు. ఇదే సమయంలో కేంద్రం సాయం తగ్గడం గురించీ ప్రస్తావించారు. ఇప్పుడిప్పుడే పుంజుకుంటున్న రాష్ట్ర ఆర్థిక వ్యవస్థ పెద్దనోట్ల రద్దుతో కుదేలయ్యే పరిస్థితి నెలకొందని నివేదించారు. భూముల రిజిసే్ట్రషన పూర్తిగా మందగించిందని తెలిపారు. ప్రధానిది చరిత్రాత్మక నిర్ణయమంటూనే ప్రజలు ఇబ్బందులు పడకుండా పూర్తి స్థాయిలో కొత్తనోట్లు విడుదల చేసి ఉండాల్సిందన్నారు. రాష్ట్రంలో చోటుచేసుకున్న ఆత్మహత్యలు, ఆకస్మిక మరణాలను వివరించారు. తెలంగాణకు ఏటా రూ.12 వేల కోట్ల పైగా నష్టం జరిగే అవకాశాలున్నాయని చెప్పారు. ముఖ్యమంత్రి ఆవేదనకు సానుకూలంగా స్పందించిన ప్రధాని అభిప్రాయాలు, సూచనలతో శుక్రవారం ఢిల్లీకి రావాలని సూచించారు. దాంతో సీఎం శుక్రవారం సాయంత్రం 4 గంటలకు ఢిల్లీకి వెళ్లనున్నారు. ప్రధానితో భేటీ శనివారం ఉదయం జరిగే అవకాశాలున్నాయి. ప్రధానితో సీఎం ఫోన్లో మాట్లాడిన అనంతరం సీఎం కార్యాలయం ఒక ప్రకటన విడుదల చేసింది. పెద్ద నోట్ల రద్దు దేశ ఆర్థిక వ్యవస్థ సంపూర్ణ ప్రక్షాళనకు దోహదపడితే ప్రధాని నరేంద్ర మోదీకి తప్పకుండా మద్దతిస్తానని సీఎం అభిప్రాయం వ్యక్తం చేసినట్లు తెలిపింది. ఆ ప్రకటన ప్రకారం... సంస్కరణలు కొనసాగి తీరాలని, అవి ఉన్నత స్థాయికి పురోగమించాలని సీఎం ఆకాంక్షించారు. ఆలోచనాపరులు, మేధావులు కలిసి పనిచేస్తే ఏదైనా తప్పకుండా విజయవంతం అవుతుందన్నారు.


నల్లధనం నిర్మూలించడానికి కేంద్రం తీసుకున్న నిర్ణయం వల్ల సామాన్యులు, చిన్న వ్యాపారులు, అసంఘటిత వ్యాపారులు నష్టపోకుండా చూడాలని కోరారు. కేంద్ర ప్రభుత్వం ఎలాంటి విధాన నిర్ణయం తీసుకున్నా కచ్చితంగా ప్రజలను పరిగణనలోకి తీసుకోవాలని, వారిని అభివృద్ధిలో భాగస్వాములను చేయాలని స్పష్టం చేశారు. శనివారం ప్రధానితో సమావేశంలో సీఎం తన అభిప్రాయాలు, సూచనలతో సమగ్ర నివేదిక ఇవ్వనున్నారు. ఇన్‌పుట్స్‌ కోసం సీఎం పలుదఫాలుగా రాష్ట్ర ఆర్థిక స్థితిగతులు, ఆదాయ వ్యయాలపై చర్చించారు. అంతకు ముందే సీఎస్‌ రాజీవ్‌శర్మ కీలకమైన వాణిజ్యపన్నుల శాఖ అధికారులతో సమీక్ష జరిపారు. కరెన్సీ రద్దు ప్రభావంపై రోజూవారీగా శాఖలన్నీ సమీక్షలు చేయాలని సీఎం కేసీఆర్‌ ఆదేశాలు జారీ చేయడంతో ప్రతీ రోజూ అధికారులు సమీక్ష చేస్తున్నారు. ప్రధాని 25న హైదరాబాద్‌ వస్తున్నారు. ఈ సందర్భంగా ఇరువురూ మరోమారు భేటీ కానున్నారు.

2.5 లక్షలు దాటినా బ్లాక్‌ మనీ కాదు

రాష్ట్ర ఆర్థిక పరిస్థితిపై పెద్ద నోట్ల రద్దు ప్రభావాన్ని అంచనా వేసేందుకు సీఎం... ప్రభుత్వ ప్రధాన కార్యదర్శి రాజీవ్‌శర్మ, సీనియర్‌ అధికారులు ప్రదీ్‌పచంద్ర, ఎంజీ గోపాల్‌, ఎస్‌కే జోషి, ఎస్పీ సింగ్‌, నర్సింగ్‌రావు, శాంతికుమారి, చంద్రవదన, సునీల్‌శర్మ, సందీప్‌ సుల్తానియా, రామకృష్ణారావు, నవీన మిట్టల్‌, స్మితా సభర్వాల్‌, భూపాల్‌రెడ్డి, అదర్‌ సిన్హా తదితరులతో సమీక్ష జరిపారు. ప్రధాని నిర్ణయానికి అనుకూలంగా, ప్రతికూలంగా వ్యక్తమవుతున్న భిన్నాభిప్రాయాలపై చర్చ జరిగింది. ఈ సందర్భంగా సీఎం మాట్లాడుతూ, పెద్ద నోట్ల రద్దు నిర్ణయం ఆర్థిక వ్యవస్థలోని లోటు పాట్లను సవరించడానికి, ఆర్థిక లావాదేవీల్లో పారదర్శకత తీసుకురావడానికి ఉపయోగపడితే తప్పకుండా మద్దతు ఇవ్వాల్సిందేనన్నారు. సామాన్యులు, చిన్న వ్యాపారులు, అసంఘటిత రంగంలో ఉన్నవారు ఇబ్బంది పడకుండా చూడాలని చెప్పారు. రూ.2.50 లక్షలు దాటిన వాళ్లను బ్లాక్‌మనీ దాచిన వాళ్లుగా కాకుండా లెక్కలోకి రాని నగదు(అన అకౌంటెడ్‌ మనీ) కలిగి ఉన్న వారిగా పరిగణించాలని అభిప్రాయపడ్డారు. చిన్న, మధ్యతరగతికి ఇబ్బంది కలుగకుండా చూడాలని, అవసరమైతే వారికి మద్దతు కూడా ఇవ్వాలని అభిప్రాయపడ్డారు. అసంఘటిత, చిల్లర వ్యాపారం చేసుకునేవారికి కొన్ని మినహాయింపులు ఇవ్వాల్సిన అవసరం ఉందన్నారు. రాష్ట్రాలు కేంద్రానికి చెల్లించాల్సిన అప్పులను వాయిదా వేయాలని అన్నారు. ఈ అంశాలను తాను ప్రధాని దృష్టికి తీసుకెళ్లనున్నట్లు సీఎం వెల్లడించారు. రిజిసే్ట్రషన్లు, ట్రాన్సపోర్టు విభాగాల్లో ఆదాయం బాగా తగ్గిందని, ఎక్సయిజ్‌, సేల్స్‌ట్యాక్స్‌, కమర్షియల్‌ ట్యాక్స్‌ విభాగాలపైనా ప్రభావం పడినట్లుగా సమీక్షలో అంచనాకు వచ్చారు. నెలన్నర గడిస్తేగానీ నష్టంపై స్పష్టమైన అంచనాకు రాలేమని అధికారులు సీఎంకు వివరించినట్లు సమాచారం. ఎగవేతదారుల రుణాలను మాఫీ చేస్తూ ఎస్‌బీఐ తీసుకున్న నిర్ణయంపై టీఆర్‌ఎస్‌ వర్గాలు ఆశ్చర్యం వ్యక్తం చేశాయి. ఇది సరైన సమయం కాదని, ఇందుకు కేంద్ర ఆర్థిక శాఖ ఎలా అనుమతి ఇచ్చిందో అర్థం కావటంలేదని పార్టీ ముఖ్యుడొకరు వ్యాఖ్యానించారు.

పెద్ద నోట్ల రద్దు వల్ల కూరగాయలు, ఎక్కువ కాలం నిల్వ ఉండని ఆహార పదార్థాల ధరలు పడిపోతున్నాయనే ఫీడ్‌బ్యాక్‌ క్షేత్ర స్థాయి నుంచి ప్రభుత్వానికి అందుతోంది. ఉత్పత్తిదారులు, వ్యాపారులు తీవ్రంగా నష్టపోతున్నారని సర్కారు గుర్తించింది. ఏమీ చేయలేని నిస్సహాయతలో ఉండటం ప్రభుత్వ పెద్దలను ఆందోళనకు గురిచేస్తోంది. మార్కెట్లోకి రూ.20 మొదలు రూ.500 వరకు పెద్దఎత్తున నగదు చలామణిలోకి వస్తేనే పరిస్థితి కుదుటపడుతుందని వారు అంచనా వేస్తున్నారు.

పాక్ కు చైనా మద్దతు...? పాక్ యుద్ధసన్నాహాల్లో చైనా హెలీకాఫ్టర్లు

పాకిస్థాన్ మరోసారి తన దొంగబుద్ధిని బయటపెట్టింది. భారత సరిహద్దు ప్రాంతంలో చైనా అండతో రెచ్చిపోతోంది. సరిహద్దు ప్రాంతంలో నిన్న పాకిస్థాన్ జరిపిన యుద్ధసన్నాహాలను పరిశీలించిన భారత ఆర్మీ అధికారులకు విస్మయాన్ని కలిగించే అంశం కంటపడింది. పాక్ ఆర్మీ నిర్వహించిన డ్రిల్‌లో చైనాకు చెందిన అత్యంత అధునాతనమైన హెలీకాఫ్టర్లు ఉన్నాయి.

                             

అత్యాధునికమైన టెక్నాలిజీతో రూపొందిన ‘డబ్ల్యూజెడ్-10' చైనా హెలీకాఫ్టర్ల కనిపించాయి. ఈ హెలీకాఫ్టర్లతో యుద్ధట్యాంకులను కూడా ధ్వంసం చేయవచ్చు. ఆయుధాలను కూడా భారీగా తరలించవచ్చు. ‘యుఎస్ ఏహెచ్-64 అపాచీ’ పేరుతో అమెరికా వద్ద చైనా హెలీకాఫ్టర్లకు సమానమైనవి హెలీకాఫ్టర్లు ఉన్నాయి. ఈ హెలీకాఫ్టర్లను గల్ఫ్ యుద్ధ సమయాలలో, ఆఫ్ఘనిస్థాన్‌లోని ఉగ్రవాదులను ఏరివేసిందుకు మాత్రమే ఉపయోగించారు. అమెరికా నుంచి 22 ‘యుఎస్ ఏహెచ్-64 అపాచీ’ హెలీకాఫ్టర్ల కొనుగోలుకు భారత్ ఒప్పందం కుదుర్చుకుంది. కానీ ఇంతవరకూ భారత్‌కు చేరలేదు. ఇలాంటి హెలీకాఫ్టర్లను పాకిస్థాన్ ఇదివరకెప్పుడూ ప్రదర్శించలేదు. ఉన్నట్టుండి నిన్న డ్రిల్‌లో కనిపించడంతో చైనా బాహాటంగా పాక్‌కు మద్ధతిచ్చిన్నట్టుగా కనిపిస్తోంది. యురీ ఉగ్రవాదదాడి అనంతరం భారత్, పాక్ మధ్య యుద్ధవాతారణం ఏర్పడిన సంగతి తెలిసిందే. తాజాగా పాక్ నిర్వహించిన ఈ యుద్ధసన్నాహాలతో యుద్ధవాతావరణం మరింత వేడెక్కింది.

ప్రభుత్వ ఉద్యోగిని రోడ్డుపై తన్నిన పోలీసులపై చర్యలు..

ఓ బ్యాంకు దగ్గరలో డ్యూటీ చేస్తున్న పోలీసులకు, కేంద్ర ప్రభుత్వ ఉద్యోగి మాధవ రెడ్డికి బండి పార్కింగ్ విషయంలో జరిగిన ఘర్షణ వార్తల్లో నిలిచిన సంగతి తెలిసిందే. పోలీసులు సదరు ఉద్యోగిని రోడ్డుపైనే తన్నుకుంటూ జీపెక్కించుకుని తీసుకెళ్లారు. సదరు వీడియో సోషల్ మీడియాలో వైరల్ అయ్యింది. అయితే తాజాగా ఆ పోలీసులపై చర్యలు తీసుకుంటున్నారు.సీఐ గోరంట్ల మాధవ్‌ను వీఆర్‌కు బదిలీ చేశారు. ఎస్సైలు క్రాంతి కుమార్, జనార్ధన్‌పై చర్యలకు ఎస్పీ రాజశేఖర్ బాబు సిఫారసు చేశారు.

అరుదైన రికార్డ్ సాధించిన కోహ్లీ...

తనకు అచ్చొచ్చిన విశాఖలో విరాట్ కోహ్లీ అదరగొట్టాడు. ఇక్కడి రాజశేఖర్ రెడ్డి ఇంటర్నేషనల్ స్టేడియంలో ఇంగ్లాండ్‌తో జరుగుతున్న రెండో టెస్టులో కెప్టెన్ కోహ్లీ సెంచరీతో అలరించాడు. ఈ సెంచరీ ద్వారా ఓ అరుదైన ఘనత సాధించాడు. పది అంతకంటే ఎక్కువ సెంచరీలు చేసిన బ్యాట్స్‌మెన్లలో సెంచరీ/హాఫ్ సెంచరీలను 1.07 నిష్పత్తి(14/12) లో సాధించిన బ్యాట్స్‌మెన్‌గా కోహ్లీ మూడో స్థానాన్ని ఆక్రమించాడు. డాన్ బ్రాడ్‌మన్ 2.230 నిష్పత్తితో (29/13), హెడ్లీ 2 నిష్పత్తితో (10/50) అతనికంటే ముందున్నారు. కోహ్లీ తర్వాత ఈ జాబితాలో భారత్ తరపున మాజీ కెప్టెన్ అజారుద్దీన్ మాత్రమే ఉన్నాడు. కానీ అతను ఆరో స్థానంలో ఉన్నాడు.

కేంద్ర ప్రభుత్వ ఉద్యోగిపై పోలీసుల మూకుమ్మడి దాడి

నగదు మార్పిడి కోసం ఈనెల 13న సాయినగర్‌ స్టేట్‌బ్యాంకు వద్దకు వచ్చిన కేంద్ర ప్రభుత్వ ఉద్యోగిపై పోలీసుల మూకుమ్మడి దాడిపై సర్వత్రా విమర్శలు వ్యక్తమవుతున్నాయి. పోలీసుల వ్యవహరించిన తీరుపై సామాజిక మాధ్యమాల్లో ప్రజల నుంచి తీవ్ర అసంతృప్తి వ్యక్తమవుతోంది. అసలు ఆరోజు ఏమైంది.? తొలుత తప్పు చేసింది ఎవరు? తప్పు చేసిన వారికి శిక్షలు ఉండవా? అనే ప్రశ్నలు ఉత్పన్నమవుతున్నాయి.

వైఎస్సార్‌ కడప జిల్లా కమలాపురం మండలానికి చెందిన మాధవరెడ్డి స్థానిక ఎస్కేయూ క్యాంపస్‌లో భారత వాతవరణ పరిశోధన కేంద్రంలో టెక్నికల్‌ విభాగంలో పనిచేస్తున్నారు. కేంద్ర ప్రభుత్వం రూ. 500, రూ. 1000 నోట్లు రద్దు చేస్తూ తీసుకున్న నిర్ణయంతో ఆయన డబ్బుల కోసం తీవ్ర ఇబ్బంది పడినట్లు తెలుస్తోంది. ఈ నేపథ్యంలో ఈనెల 13న సాయినగర్‌ స్టేట్‌ బ్యాంకు వద్దకు వచ్చారు. ఆ సమయంలో టూటౌన్‌ ఎస్‌ఐ జనార్దన్‌ అనుచితంగా మాట్లాడడంతో మాధవరెడ్డి కోపోద్రిక్తుడైనట్లు సమాచారం.

ఈ ఘటనలో తొలుత పోలీసులదే తప్పు అని స్థానికులు అభిప్రాయం వ్యక్తం చేశారు. సాధారణ దుస్తుల్లో ఉండే వ్యక్తి పోలీసులపై చేయి చేసుకోవడం అసంభవం. అలాంటిది ఏకంగా ఎస్‌ఐపైనే దాడి చేశాడంటే అంతకుముందు ఏం జరిగింటుందనే ప్రశ్నలు ఉత్పన్నమవుతున్నాయి.  నిమిషాల్లో ఈ ఘటన జరిగిపోయింది. అసలు ఏం జరిగిందనే అంశం కూడా ఎవరికీ తెలియకుండా పోలీసులంతా అతడిని గొడ్డును బాదినట్లు బాదుకుంటూ తీసుకుపోయారు. ఆ తర్వాత ప్రయత్నించినప్పటికీ మీడియా కాదు కదా ఆయన భార్యను కూడా మాట్లాడేందుకు అనుమతి ఇవ్వలేదు. ‘మా ఆయన ఎస్‌ఐను కొట్టాడని చెబుతున్నారు. ఎట్టి పరిస్థితిలో కొట్టి ఉండరు. ఆయన మధుస్వభావి. ప్రస్తుతం ఎక్కడున్నాడో కూడా తెలపడం లేదు. అంటూ ఘటన జరిగిన రోజు మాధవరెడ్డి భార్య కన్నీంటి పర్యంతమయ్యారు.
ఈ ఘటనలో పోలీసులంతా ఏకమై ఏకపక్షంగా వ్యవహరించారనే అభిప్రాయం వ్యక్తమవుతోంది. త్రీటౌన్‌ సీఐ గోరంట్ల మాధవ్‌ అయితే ఆవేశంతో ఊగిపోయారు. ఆ కొట్టడం చూస్తే  గొడ్డును కూడా ఆ స్థాయిలో కొట్టరేమో అనక మానరు. ఆయన ఆ విధంగా రెచ్చిపోయారు. ఇది కేవలం వందలాది మంది ప్రజల సమక్షంలోనే. స్టేషన్‌లో రెండు రోజుల పాటు కస్టడీలో పెట్టుకున్న పోలీసులు కౌన్సిలింగ్‌ ఏ స్థాయిలో ఉంటుందో అర్థం చేసుకోవచ్చు. ఆయన కూడా కేంద్ర ప్రభుత్వ ఉద్యోగి. ఈ ఘటనలో బాధితుడి నుంచి  ఫిర్యాదు తీసుకోరా? అనే ప్రశ్న ఉత్పన్నమవుతోంది. కేంద్ర ప్రభుత్వ ఉద్యోగి మాధవరెడ్డిపై మాత్రం మూడు సెక్షన్ల కింద కేసు నమోదు చేశారు.  స్టేషన్‌ బెయిల్‌పై ఆయనను సోమవారం విడుదల చేసినట్లు సమాచారం.
 సాయినగర్‌ స్టేట్‌ బ్యాంకు వద్ద జరిగిన ఘటనపై విచారణ బాధ్యతలు నాకు అప్పగించారు. అసలు ఆ రోజు జరిగిందనే విషయంపై లోతుగా ఆరా తీస్తున్నాం. త్వరలో నివేదికను ఉన్నతాధికారులకు అందజేస్తాం. -  నరసింగప్ప, డీఎస్పీ, ట్రాఫిక్‌ పోలీస్‌స్టేషన్‌

ప్రభుత్వం తీసుకున్న నిర్ణయం వల్ల సామాన్యులు ఇబ్బంది పడుతున్నారు. ఆదివారం జరిగిన ఘటనలో ఇరువర్గాల వారిది తప్పు ఉంది. సహనం కోల్పోయి ఎస్‌ఐపై దురుసుగా వ్యవహరించడం మాధవరెడ్డి అనే వ్యక్తి తప్పు అయితే ఆ రకంగా పోలీసులంతా కలిసి చితకబాదడడం భాధాకరం, మాధవరెడ్డిపై పోలీసులు ఏ కేసు నమోదు చేస్తారో.. పోలీసులపై కూడా అవే సెక్షన్ల కింద కేసు నమోదు చేయాలి. - హరినాథ్‌రెడ్డి, పౌరహక్కుల సంఘం నాయకుడు, న్యాయవాది

మా ఆయన అలాంటి వాడు కాదు
మేము ఇద్దరం ప్రభుత్వ ఉద్యోగులమే. డబ్బులు అవసరమున్నా నాలుగురోజుల నుంచి బ్యాంకు వద్దకు వెళ్లలేదు. అత్యవసరం కావడంతో ఆదివారం వెళ్లాడు.  ఏమైందో ఏమో తెలియదు. ఎస్‌ఐను కొట్టాడని చెబుతున్నారు. ఎట్టి పరిస్థితిలో కొట్టి ఉండడు. నా భర్త మృధు స్వభావి. -  మాధవరెడ్డి భార్య

రైల్వే ట్రాక్‌పై ప్రముఖ నటుడి మృతదేహం

ప్రముఖ నటుడు ముఖేశ్ రావల్‌ మృతదేహం రైల్వే ట్రాక్‌పై అనుమానాస్పద స్థితిలో కనిపించింది. ముంబై బోరివలి రైల్వే ట్రాక్‌పై ఆయన మృతదేహాన్ని పోలీసులు గుర్తించారు. బుల్లితెరపై సంచలనం రేపిన రామానంద్ సాగర్ రామాయణంలో ముఖేశ్ రావల్ విభీషనుడి పాత్ర పోషించారు. అనుమానాస్పద మృతిగా నమోదు చేసుకున్న పోలీసులు దర్యాప్తు ప్రారంభించారు. మృతదేహాన్ని పోస్ట్ మార్టం కోసం పంపారు. ఘాట్‌కోపర్ ప్రాంతం నుంచి డబ్బు డ్రా చేసుకుని ఇంటికి బయలుదేరారని, ఇంతలోనే ఈ దారుణం జరిగిపోయిందని ఆయన కుటుంబసభ్యులు తెలిపారు. ముఖేశ్ రావల్ గుజరాత్ సినిమా ఇండస్ట్రీలో చాలా పాపులర్ యాక్టర్. లహూ కే దో రంగ్, ఔజార్, మృత్యుదాతా, సత్తా వంటి హిందీ సినిమాల్లో కూడా నటించి పేరు తెచ్చుకున్నారు.